Біздің заманымызда көпшілік осы және басқа да салаларда толығымен тек қалағанымызды істесек болады деген ойды құптайды. Олар бақыт пен тыныштықты іздеуінде осындай нәрселерге баратындарға ешқандай заң, таңба, жаман сезімдер болмау керек деп есептейді. Толық бостандықта болу, бақыт пен тыныштық әкеледі деген түсінік бар. Бақытты тағы бір жүгенсіздікте, тағы бір шарықтаудың түрінде табуға болады деген ойды қорғайтындар да бар. Әрине, біз тек қана бақытты ізденгендіктен, біздің әрекеттеріміздің қандай болмасын салдарына жауапты болып қалмаймыз деп ойлаймыз. Біз де «бақыттың» бір бөлігіне лайықтымыз деп есептейміз. 

Осындай жүгенсіздікке берілудің қауіпті екендігінің кейбір әйгілі ескертулері мыналар: Ішімдік ішкеннен кейін көлік жүргізбе. Кокаин сені өлімге алып келе алады. Қауіпсіз жыныстық қатынасты ұстан. Аяғың ауыр болса, түсік жасат. Бұл кеңестер ем бола алмайды. Егер бақыт осындай жолдармен табылатын болса, онда адамға лық толы түнгі барды жалғыздық сезімі неліктен жайлайды? Неліктен шарықтаудан кейін төмендеу болады? Жүгенсіздікке барған соң неліктен жағымсыз сезім келеді? Неліктен жыныстық жақындықтан кейін көңіл қалушылық сезімі келеді? Егер жүгенсіздік бақыт пен тыныштық әкелетін болса, онда неліктен олар біздің түсінігімізден тыс болып көрінеді? Неліктен соншама көп мәселелер туындап және неліктен өмір соншалықты бос болып көрінеді? 

Өзінің құмарлықтарын құптай берушілік шынайы бостандыққа жатпайды. Бұл ешқашан бақыт пен тыныштықты алып келе алмайды. Өзінің құмарлықтарын жүгенсіздікпен құптай беру күнә, өйткені бұл Құдайға қызмет етудің орнына өзіндікке қызмет етуге жатады. 

Иса Матай жазған ізгі хабарда, 11:28-29 былай деген:
Қиналып қатты шаршап-шалдыққандар,
Еңселерін тым ауыр жүк басқандар,
Менің қасыма келіңдер, бәрің,
Жандарыңды Мен рақатқа бөлеймін!
Қамытымды бірге киісіп, үйреніңдер Өзімнен,
Өйткені жуас, кішіпейілмін шын жүректен,
Тыныштық табады сонда көңілдерің.

Сіздің жағдайыңыз қандай? Сіз өзіңізді жайсыз және мазасыз сезінесіз бе? Әлемдегі және қарым-қатынастарыңыздағы мәселелер сізге уайым, кінәлі сезім мен қорқыныш алып келеді ме? Кейбір кезде сіз өзіңізге «мені біреу шынымен сүйіп қамымды ойлайды ма?» - деген сұрақ қоясыз ба? 

Мынаған сенімді болыңыз, Құдай сізді шынымен сүйеді. Ол сіздің тыныштық, бостандық, бақыт табуыңызды құштарлана қалайды. Шынайы тыныштық көбірек жүгенсіздікке салынудан келмейді, керісінше өзіңізді беруден келеді. Өзіңізді Құдайға тапсыру және Оған сенім арту жаныңызға тыныштық әкеледі. Иса былай дейді, «Мен сендерге амандық пен тыныштық сыйлаймын, Өзімнің тыныштығымды беремін. Менің беретінім осы дүниенің беретін өткінші тыныштығы сияқты емес, сондықтан көңілдерің қобалжып, қорықпаңдар». (Жохан жазған Ізгі хабар 14:27)

Исаның шақыруына жауап беріңіз. Оған шын жүрегіңізбен келіңіз. Оған өткен шағыңызды, қазіргі шағыңызды, және болашағыңызды беріңіз. Ауаға кеткен бос өміріңіз үшін тәубеге келіңіз. Сонда сіз шынайы бостандықты, шынайы бақытты, шынайы тыныштықты, және шынайы сүйіспеншілікті табасыз. Егер сіз адал болып қалсаңыз, келешегіңізге деген үміт және мәңгілік өмірге деген уәде қабылдайсыз. Тыныштық пен тыным іздеп табуыңызда Құдай сізге жар болсын. 

Бізге хабарласыңыз

Кітапшаларға тапсырыс беру

«Сонымен Лут өзіне шығыста орналасқан бүкіл Иордан алқабын таңдап алып, ... Содомға жақын жерде шатыр тігіп, қоныстанды.» (Жаратылыстың баст. 13:11-12) Ол жақтың жері құнарлы болып, Лот материалдық жағынан жарылқанды, алайда ол осының барлығынан Содом құртылған кезде айырылып қалды.

Жүсіп, жас жігіт бола тұра, ой санасында таза болуды және адал болуды таңдады, нәтижесінде Мысыр патшалығының ең жоғарғы мәртебесіне ие болды. (Жаратылыстың баст. 41:41)

Құдайдың қызметкері Ешуа, Исраиль халқына мынадай үндеу тастады: «Кімге қызмет ететіндеріңді таңдап алыңдар.» (Ешуа 24:15) Содан кейін былай деп қосты: «Ал менің өзім және отбасым — біз Жаратқан Иеге қызмет ететін боламыз.»

Адамдар оған жауап беріп: «Біз Жаратқан Иеге қызмет етеміз» - деді. Олар Құдайды қастерлеп Оған адалдықпен қызмет еткенде, өмірлері өркендей бастады.

Илияс пайғамбардың заманында, адамдар Құдайдың өздері үшін жасаған керемет істерін ұмытқан болатын, және көпшілігі жалған тәңірге (Бағал) табынып кетті. Бұлары Құдайға еш ұнамады. Ол осы шешуші сәтте Өзінің шексіз құдіретін ең әсерлі жолмен көрсетуге Илиясты  қолданды. Кармил тауында Илияс аспаннан өзі дайындап қойған құрбандықты жалмап  қойған отты шақырды, осы арқылы шынайы Құдайдың бар екендігі дәлелденді.  Ол адамдардан былай деп сұрады: «Қашанға екі пікірдің арасында қалмақсыңдар Құдайларың Жаратқан Ие болса Оның соңынан еріңдер, егер Бағал болса, онда соның соңынан еріңдер!» Тұрған халық аспаннан түскен отты көргенде етпеттерінен жерге жығыла кетіп:

«Жаратқан Ие — Құдай! Жаратқан Ие — Құдай!» — деп айқайлай берді.

(Патшалықт. 3-ж. 18)

Даниял, Бабыл жеріндегі жас тұтқын, жүрегінде патшаның тамағы мен шарабын ішіп-жеп өзімді арамдамаймын деген берік шешім қабылдаған болатын. (Даниял 1:8) Нәтижесі ретінде ол және қасындағы жолдастары, өзі сияқты игі шешім қабылдағандықтан, Құдайдың және патшаның ықыласына ие болды. Олар осындай шешім қабылдамағанда, Даниялдың арыстандар апанында болғаны жайында және осы үш адамның лаулап жанып тұрған пеште болғаны жайлы киелі кітапта жазылмас еді.

Иса бізге екі баласы бар әке жайында астарлы әңгіме айтып қалдырған. Біреуі өзінің мұрасын жинап алып алыс мемлекетке (күнәға) кетуді таңдайды. Ол өзінде бардың барлығын ысырап қылғаннан кейін, ол өзінің үлкен қателік жасағанын түсінеді. Ол кішірейіп әкесінің үйіне қайтуға шешім қабылдайды. Бұл қандай жарылқанған тамаша татуласу болмақ. (Лұқа 15:11-32)

Тәңіріміз Иса тұтқындалып Пилаттың алдына әкелінді. Еврейлер былай деп дауыстады: «Егер Оны босатып жіберсеңіз, Рим патшасының досы емессіз!» Пилат осы жағдай жайында Оның алдында сарапқа салды. Ол Рим патшасы жайында (осы әлем) және өзінің алдында тұрған ұлылықтың Тәңірі жайында жан-жақты қарастырды. Ол өзінің таңдауын жасады, және Исаны айқыш ағашқа шегелетуге жөнелтті. (Жохан 19)

Осы әлемді оның рақатымен таңдаудың соңы құлдыраумен аяқталады. (Петірдің 2-хаты 3:10-11) Осы әлемнің бағытымен жүрудің орнына Құдайдың адамдарымен тағдырыңызды байланыстыруды шешу – бұл жақсы және ақылды таңдау. Мәсіхті өзіміздің жолдасымыз ретінде таңдау бізді өміріміздегі барлық қабылдайтын шешімдерімізде жетелейтін дана кеңесшінің қатысуына алып келеді.

Құрметті оқырман дос, сіз Исаның соңынан еремін деген шешім қабылдадыңыз ба? Ол сіздің өміріңіздегі барлығынан жаныңызға жақынырақ па? Оның жолдарын өзіңіздің жолыңыз деп таңдадыңыз ба? Өміріңізді Оған бағыштап, және күнәларыңызды мойындап олардан бас тарттыңыз ба? Оның Сөзі сіз үшін басқа да кез-келген кітаптардан қымбатырақ па? Сіз өз бөлмеңізде, үйіңізде, немесе басқа бір жерде, құпия жерде толғанып мінәжат етіп Құдайыңызбен тілдесуді таңдадыңыз ба? Егер сіз Оған және Ол сізге тиесілі болса, сіз ең жарылқанған күйді басыңыздан кешіресіз. Бұл аспанның бөлігін сезінумен бірдей, және әр күні дұрыс таңдау жасау бізді сарқылмас шаттыққа жетелейді.

Бізге хабарласыңыз

Кітапшаларға тапсырыс беру

Жан тыныштығы – не деген қазына! Осы қазынаны жанжал мен қажушылық, ретсіздік пен тынышсыздыққа толы әлемде табуға болады ма?

Ғаламат ізденіс басталды! Көптеген адамдар тыныштықты әйгілі болудан және кездейсоқ сәттіліктен, ләзаттану мен күштіліктен, сауаттылық пен білімнен және неке құрудан іздейді. Олар бастарын біліммен, амияндарын ақшамен толтырғысы келеді, ал жандары болса бос күйінде қала береді. Басқалары болса өмірдің шынайылығынан нашақорлық пен ішімдік арқылы қашады, алайда олар іздеген тыныштық жеткізбей кетеді. Олар әлі де бос және жалғыз, әліде мазасыз әлемде мазасыз саналарымен қалады.

Әбігерлікке түскен адам

Құдай адамды жаратты, және кемелді тыныштықта рақаттанып, қуаныш пен бақытқа кенеле алуы үшін тамаша бағына орнықтырды. Алайда Адам ата мен Хауа ана мойынсұнбаған кезде, олар бірден кінәлі сезіммен жараланды. Осыған дейін Құдайдың қатысуын аңсап тұратын жерде, енді ұяттан өздерін жасырды. Кінәлі сезім мен қорқыныш енді олар білген тыныштық пен бақыттың орнын жаулап алды. Адамның күнәсі осы күйбелең әлемнің, және жан мазасыздығының бастауы болды.

Біздің жанымыз Құдайды аңсағанмен, біздің күнәкар болмысымыз Оның жолына қарсы шығады. Осы ішіміздегі келіспеушілік шиеленісу мен қайғы-қасірет тудырады. Егерде біз, Адам ата мен Хауа ана іспетті, ынта қалауларымызда өзімшіл болсақ, біз күйбелең және ашушаң күйге түсеміз. Неғұрлым өзімізге көп көңіл бөлсек, соғұрлым мазасыз бола бастаймыз. Өмірдің анықсыдығы және өзгеріп, құрып бара жатқан әлем біздің қауіпсіздігімізді шайқап және тыныштығымызды бұзады.

Өзіңіз байқамасаңызда немесе сізге білінбесе де, сіздің мазасыздығыңыздың себепшісі күнәда болуы мүмкін. Көптеген адамдар тыныштықты сырттан және материалдық нәрселерден іздейді. Олар күйбелең әдемді өздерінің мазасыздығына кінәлі деп айыптайды. Алайда олар өздерінің жүректеріне қарауға шамалары келмейді.

Иса Мәсіх, Тыныштықтың Патшасы

Өміріміздің әр саласы бізді Жаратқан және бізді Түсінетін Біреумен үйлесімділікке келмей тыныштыққа жете алмаймыз. Бұл Мәсіхке толық мойынсұну арқылы ғана мүмкін. Ол әлемнің Иесі ғана емес, сондай ақ Ол біздің өмірімізді басынан аяғына дейін біледі. Ол осы әлемге келгенде біз жайында ойлады, «Ажал төндірген түнектегі біздерге Ол Өзінің шапағатты нұрын төгеді, Һәм бізді бейбітшілік жолына жетелейді» (Лұқа 1:79)

Иса түнекке жарық, жапа шеккендерге тыныштық, қиналғандарға қуаныш және өлімге өмір ұсынады. Ол Жохан жазған ізгі хабар 14:27 -де былай деген: «Мен сендерге амандық пен тыныштық сыйлаймын, Өзімнің тыныштығымды беремін. Менің беретінім осы дүниенің беретін өткінші тыныштығы сияқты емес, сондықтан көңілдерің қобалжып, қорықпаңдар».

Тәубеге келу Жан Тыныштығын Әкеледі

Күнәнің ауыр жүгі сізді басып қалғанын сезінгенде, оның емі тәубеге келуіңізде деп біліңіз... және күнәларыңыздан тазаруыңыз үшін Құдайға бет бұруыңыз (Елш. Іст. 3:19) Иса сізді осы аса мағыналы, өміріңізді өзгертетін тәжірибеге шақырады. Қиналып қатты шаршап-шалдыққандар, Еңселерін тым ауыр жүк басқандар, Менің қасыма келіңдер, бәрің, Жандарыңды Мен рақатқа бөлеймін! (Матай 11:28) 1 Жохан 1:9 былай деп уәде береді: Егер де күнәларымызды мойындасақ, Құдай сенімді де әділетті болғандықтан оларды кешіріп, бізді барлық әділетсіздігімізден тазартады. Оның щақыруын қабылдайсызба?

Сіз Исаға келген кезде, кешірім мен бостандық таба аласыз. Реніш пен кешірмеушіліктің орнына, сіздің жүрегіңіз сүйіспеншілік пен мейірімге толады. Жүрегіңізде Исаның басқаруымен, сіз жауларыңңызды сүйе аласыз. Бұл Мәсіхтің өтелу қанының құдіреті арқылы мүмкін болады.

Сақылмас Тыныштық

Мәсіхші ретінде, Құдайға сену және Оның қамқорлығына сенім арту, қорқыныш пен үрейге қарсы дәрі іспетті. Мәңгіліктен мәңгілікке еш өзгермейтін Құдайға сенім арту қандай тамаша. Ол бізді сүйеді және әрдайым біздің қамымызды ойлайды. Сондықтан, мазасыздық пен қорқыныш неліктен болу керек? 1 Петір 5:7 де жазылғандай істеуді үйрен, «Барлық уайымдарыңды Құдайға сеніп тапсырыңдар, себебі Ол қамдарыңды ойлайды» Сондай ақ бізде мынадай уәде бар: Әрдайым ойын Саған бағыттаған Әрі сенімін бір Өзіңе артқан Жанды сақтайсың Сен тыныш, аман. (Ишая 26:3)

Жүрегіңізде Иса болған кезде, сіздің тыныштықты іздеуіңіз аяқталады. Ол тыныштық береді, және тек Оған сенім артудан келетін тыным береді. Сіз мына ақынның айтқанына қосыла аласыз:

Тыныштық жоқ жерде тыныштықты білемін,

Дауыл тұрған жердегі тынымды

Құпия орында бетпе-бет

Тәңірмен бірге мен жүре аламын

-Ральф Сполдинг Кушмен

Сіз мазасыз әлемде жан тыныштығына ие боласыз! Жүрегіңіздің есігін Мәсіхке ашыңыз – дәл қазір – және бір күні Ол аспанның есігін сіз үшін ашады, сол жерде кемелді тыныштық мәңгілікке ұласа береді.

Бізге хабарласыңыз

Кітапшаларға тапсырыс беру