Иса Әкесінің сізге және маған деген зор сүйіспеншілігін түсінгенімізді қалайды. Ол Әкесінің сүйіспеншілігін сипаттайтын мына әңгімені айтып берді. Сіз оны Киелі кітаптан оқысаңыз болады, Лұқа жазған ізгі хабар 15:11-24

Біреудің екі ұлы болыпты. Ол барлығы жақсы жүріп жатыр деп ойлады. Бір күні оның ұлдарының бірі бүлік шығарып оған келіп былай депті, «Маған бұл үй ұнамайды, мен өз жолыммен жүргім келеді, мен кетемін. Маған тиесілі мұрамның үлесін бер.» Әкесінің көңілі түсіп қалады, алайда оған қаражатын беріп өз жолымен кетуіне жол береді. Ол енді қайтып ұлымды көремінбе, көрмеймінбе деп уайымдайды.

Ал ұлы болса алыс жолға кетіп қаражатымен, достарымен, өз өмірімен рақаттанды. Ол эгоисттік өмір сүріп ақшасын бейберекет жұмсай берді. Бір күні кенеттен қаражаты таусылып, достарының қалдырып кеткеніне дейін ол өзін тамаша уақыт өткізіп жүрмін деп ойлады. Ол мұқтаждықта жалғыз қалды. Ол енді не істей алады?

Ол бір фермерге жүгінеді, ал ол оны шошқаларды тамақтандыруға жібереді. Ал оның өзіне тамақ жеткілікті берілмеді. Оның қарны аш болғаны соншалық, ол шошқаның тамағын жей бастады. Ол өзінің істеген жаман істерін және әкесіне дөрекі сөйлегенін есіне түсіре бастайды. Ол барған сайын бақытсыз бола түсті.

Бір күні ол әкесінің қаншылықты мейірімді екендігін және әлі де үйінде болғанда қаншалықты қамтамасыз етілген болғандығын есіне түсірді. Тіпті әкесінің жұмысшылары да тамаққа тоқ болушы еді.

Ол былай деп ойлады, «Әкеме осылай істеген соң оған қайтып баруыма болады ма? Ол мені әлі де сүйеді ме? Мен оның ұлы болуға лайықты емеспін. Ол мені қабылдаса оның құлы болуға әзірмін.»

Солай бірден аяғына тұрып әкесінің үйіне қарай  жол тартты. Ол енді әкесінің кешірім беретін бермейтіндігін көретін болады.

Әкесі болса өзінің ұлын кетіп қалған күнінен бастап аңсап күткен болатын. Ол, «ұлым енді қайтып келеді ма екен?» - деп жиі уайымдайтын. Солай бір күні алыс жерден біреудің келе жатқанын байқады. Мүмкін ол оның ұлы болар? Солай екенін көрген соң, ол құшағын жайып баласына қарай жүгіре бастады.

Баласы: «Әке, мен саған қарсы күнә жасадым. Мен сенің ұлың болуға лайықты емеспін.» - деді.

Алайда әкесі: «Оған ең жақсы киімді әкеліңдер және мейрамдауға дайындалыңдар! Менің балам жоғалған еді, енді міне табылды.» - деді.

Біз барлығымыз сол ұл іспеттіміз; біз Әкеміз Құдайдан алшақтап кеттік. Ол бізге берген мүмкіндіктер мен көптеген игіліктерін ауаға жіберіп алдық. Біз өзімшіл болып өмір сүріп Оған қарсы шықтық. Бүгін біздің көктегі Әкеміз бізді Исаға келуге шақырады. Ол бізді құшақ жая күтіп отыр.

Иса Өзінің өмірін біздің күнәларымыз үшін және әлемнің күнәлары үшін құрбан етуі арқылы Әкенің сүйіспеншілігін көрсетті. Ол зұлым адамдарға Өзін айқышқа шегелеуге жол берген кезде үлкен ауыртпашылық пен қабылдамаушылықты басынан кешті. Құдайдың құдыретімен Ол өлімнен тіріліп, енді мәңгі өмір сүреді.

Исаға келіңіз және Одан күнәларыңызды кешіруін сұраңыз. Сіздің бұрыс істеріңізге өкінгеніңізді көргенде, Ол сізді кешіреді және Өзінің төгілген қанымен барлық күнәларыңыздан тазартады. Бұл тамаша оқиға болмақ! Сіз енді жаңа адамға айналасыз. Өміріңіз жаңа мағынаға ие болады. Иса сіздегі айыптылық пен қорқыныштың орнын қуаныш пен бақытқа ауыстырады. Ол сіздің  Құтқарушыңыз бола алады.

Бізге хабарласыңыз

Кітапшаларға тапсырыс беру

Киелі кітап бізге аспаннан құлаған Шайтан немесе әзәзіл деп аталатын періште жайында айтады. Ол аспаннан қуылған және барлық зұлымдық атаулының себепшісі. Оның кесірінен әлемге өкініш, қайғы-қасірет, ауру және өлім келді.

Қайғылы Күнәнің Басталуы

Құдай Адам мен Хауаны сүйді. Өмір сүрсін деп оларға тамаша бақ орнатты. Ол Едем бағы деп аталды. Адам сол бақтың өңдеушісі болды. Осы бақта оларға жеуге болатын көкөністер мен жемістердің көптеген түрлері болды. Ол жерде «жақсылық пен жамандықты танытатын ағаш» деп аталатын бір ағаш өсіп тұрды. Құдай адамға сол ағаштың жемісін жеуге болмайтындығын айтты, өйткені сол ағаштан жеген күні ол шынымен өлетін болады. Бір күні шайтан Хауаға келіп оған өтірік айтты. Ол: «Сендер шынымен өлмейсіңдер... сендер жақсы мен жаманды білетін құдайлар сияқты боласыңдар.» (Жаратылыстың бастауы 3:4-5)

Осы тамаша ағаштың жемістеріне қарағанда, ол жеуге жақсы және өзін ақылды етуге қызықтырып тұрғанын көрді. Ол бір жемісін алып, Адаммен де бөлісіп, және екеуі де содан жеді. Бірден олар өздерін жүректерінде өте айыпты сезіне бастады. Осылай бұған дейін ешқашан сезінбеген еді. Олар бір нәрсені өте дұрыс емес істегенін түсінді. Олар мойынсұнбағандықтарын ойлағанда бір-бірінен ұялды. Құдаймен кездесу жайында ойлағанда олардың жүректерін қорқыныш жайлай бастады. Солай олар бақтың ағаштарының арасына жасырынып қалды.

Қоңыр салқын самал соққан кезде, Құдай адамды шақырып: «Сен қайдасың?» - деді. Олар Құдайдан жасырынып қала алмайды, сондықтан Оның қасына келіп өздерінің дұрыс емес істегендеріне көздері жетті. Құдай Өзінің жарлығына мойынсұнбау қандай үлкен күнә екендігін түсіндірді. Олардың осы мойынсұнбаушылықтарына бола жазалануға тиіс екендігін айтты. Енді олар ауырпашылық пен бақытсыздықты бастан кешетін болады. Енді олар өмір сүрулері үшін жұмыс істеу керек болды. Олардың денелері қартайып тозатын болады. Олар өліп, топыраққа қайта оралатын болады.

Олар осы керемет бақтан қуылғаннан кейін, Құдай мәңгілік өмірді сыйлайтын ағаштан жей алмаулары үшін керуб деген періштелерді және жүзінен от шашып, әрі-бері қозғалып жарқылдап тұрған бір семсерді қойды. Олар күнәнің салдарының қандай екендігін және қандай қайғы әкелетінін түсінді.

Күнәнің өкінішті салдары

Адам мен Хауа Құдайға мойынсұнбай күнә жасағандары үшін қатты өкінді. Олардың күнәларына қарамастан Құдай оларды әлі де сүйді. Ол адамзатты азат ететін Құтқарушыны жіберуді уәде етті.

Адам мен Хауадан туған алғашқы екі ұлдары Қабыл мен Әбіл болды. Бір күні олар Жаратқан Иеге сый тартуларын алып келді. Қабыл өзі айналысқан жемістерінен алып келді. Әбіл өзінің отарынан таңдаулы тоқтыны алып қанын төгіп құрбандыққа шалды. Әбілдің құрбандығы Құдайға ұнамды болды, алайда Қабылдың құрбандығына немесе өзіне риза болған жоқ.

Қабыл Әбілдің құрбандығы Құдайға ұнамды болғанын байқағанда, жүрегін қызғаныш пен жек көрушілік баурап алды. Содан кейін бір күні екеуі бірге далада болғанда, Қабыл бас салып өзінің інісі Әбілді өлтірді. Құдай Қабылдан: «Інің Әбіл қайда?» - деп сұрады. Қабыл шындықты айтқысы келмей: «Білмеймін, мен інімнің күзетшісі ме едім» - деді. (Жаратылыстың басталуы 4:9) Қабыл Құдайдың берген нұсқауларына мойынсұнған жоқ. Құдай оны Әбілді өлтірместен бұрын дұрыс іс істесең қабылданасың деп ескерткен болатын. Ол өзінің көз қарасын өзгертіп бауырын жақсы көргенде ғой! Қайтадан, күнә адамды Құдайдың қасынан ажыратып жіберді. Қабыл кезбе қашқынға айналды.

Құдай адамзатты сондай қатты сүйгендіктен Өзінің Ұлын берді

«Бүгін Дәуіттің қаласында сендердің Құтқарушыларың дүниеге келді, Ол — Иеміз Мәсіх!» (Лұқа жазған Ізгі хабар 2:11)

Әбіл қайтыс болып Қабыл үйінен кеткеннен кейін, Адам мен Хауа тағы бір ұлды болды. Оның есімі Сет болды. Сет Құдайды құрметтейтін адам болды. Құдай Сеттің ұрпағын жарылқады. Олар Құдайдың бір күні оларды азат ететін Құтқарушы жайындағы тамаша уәдесін естіді. Әсіресе Ыбырайым, Құдайға сенді сондықтан Құдайдың досы деп аталды. Ыбырайымға ұрпақтары арқылы жердегі барлық отбасылар жарылқанатыны жайында айтылды.

Көп жүздеген жылдардан кейін Құдай әлемге Құтқарушы жіберемін деген Өз уәдесін орындады. Бұл, Яһудеядағы Бетлехем атты кішкентай қалашығында ғажайып жолмен іске асты. Сол жердегі қорада, пәк қыз Мәриям бала босанды. (Лұқа жазған ізгі хабар 2:1-7) Періште Мәриямға нәрестенің есімін Иса (Құтқарушы) деп қою керек екендігін айтты. Ол Адамдарға Құдай жайында көптеген нәрселерді айтатын ұлы ұстаз болады. Иса басқа да балалар іспетті өсті. Он екі жасында Ол Құдай сөзін Иерусалимнің көптеген докторлары мен дін мұғалімдерінен бетер жақсы түсінді. Ол заңдар мен пайғамбарлардың барлығын білгендей болды. Ешкім Ол жауап бере алмайтындай сұрақ қоя алмады.

Иса Өз халқының мұқтаждықтарына үлкен ықыласпен қарады. Ол отыз жасқа толған кезде ғибадатханаларда тәлім бере бастады. Бір күні Ол Көне өсиеттегі келе жатқан Мәсіх жайындағы пайғамбарлық сөзді оқып берді. Ол оқып болғаннан кейін, адамдарға қарап: «Сіздер естіген осы сөздер бүгін орындалды» - деді. (Лұқа жазған ізгі хабар 4:21). Ол халыққа билігі бар адамдай тәлім берді. Ол Құдай патшалығының жақындағаны жайында, және осы Патшалыққа ену үшін күнәларға өкініп тәубеге келу керек екендігі жайында тәлім берді. Ол адамдарды Құдайға шындап бойұсынып сиынуды үйретті. Ол тәккапарларға және күнәларына бола сенімі жоқтарға сөгіс берді, және жарлы-жақыбайларға сүйіспеншілік жайында Ізгі хабарды жариялады.

Иса Мәңгілік Өмір Ұсынады.

Иса былай деген: «Қайта тірілу мен шынайы өмір — Менмін. Маған сенетін адам өлсе де, шынайы өмір сүретін болады.» (Жохан жазған Ізгі хабар 11:25)

Иса Құдайдан жіберілген Құтқарушы екендігін дәлелдейтін көптеген кереметтер жасады. Ол аурударды сауықтырды, соқырларды көретін етті, кереңдерді еститін етті, жындарды қуып шығарды және өлілерді қайта тірілтті. Ол судың бетімен жүрді және теңіздің дауылын бір сөзімен тоқтатты. Ол інжір ағашына сөз айтты, және келесі күні оны тамырымен кеуіп қалған күйінде тапты. Ол бес күлше нан мен екі балықты алып бес мыңнан астам ашыққан адамдарды тамақтандырды. Барлығы тамақтанып тойғаннан кейін, ол жерде әлі де он екі себет тамақ қалды. Оның бұйыруымен балықшылар себеттерін салғанда өте көп балық аулай алды. Бір күні Иса денесін алапес басқан он кісіні кездестірді, олар Исаның құдіреті жайында көп естіген болатын. Олар қатты дауыстап: «Иса, Ұстаз, бізге қайырым қыла көріңіз» - деп жалынды. Оның сөзімен олар сауығып кетті.

Ол қалада болсын немесе далада жол жүрумен болсын, әр күні Исаның соңынан үлкен тобыр еріп жүрді. Адамдар Оның мейірімді сөздерінен, ізгілігінен, жанашырлығынан және жасаған кереметтерінен жарылқау қабылдады.

Ол адамдарға Өзінің Құдайдың Ұлы екендігін және сол Құдай Оның Әкесі екендігі жайында айта бастады. Оның сөзіне сенген әркім жарылқанды. Оған сенгендерге, олардың Құдайдың балалары екендігін айтты.

Иса Өзінің шәкірттеріне: «Енді сол жерден сендер үшін орын дайындауға бара жатырмын. Барып, дайындап болғаннан кейін қайтып келіп, Өзім болатын жерде сендерді де болсын деп қасыма алып кетемін.» - деді. (Жохан жазған Ізгі хабар 14:2-3) Аспандағы бұл жер барлық шынайы сенушілерге арналған.

«Әкем жарылқағандар, келіңдер! Әлем жаратылғаннан бері өздеріңе дайындалған Патшалықтан үлестеріңді алыңдар!» (Матай жазған Ізгі хабар 25:34)

Иса біздің күнәларымыз үшін құрбан болды

«Олар «Маңдайтөбе» деген жерге жеткен соң, Исаны айқыш ағашқа керіп шегелеп іліп, көтеріп қойды.» (Лұқа жазған Ізгі хабар 23:33)

Дін мұғалімдері мен парызшылдар Исаға және Оның іліміне өте наразы болды. Ол олардың адамдардан даңқ іздейтінін және заңсыз ақша табумен айналысып жүргендіктерін жиі әшкерелейтін. Исаның артынан көптеген адамдар еріп, Оған сеніп, Оны мадақтағандықтан олар Исаға үлкен қызғанышпен қарады. Олар адамдардан Исаны өздерінің патшасы етіп қояды деп қорықты. 

Олар халықтың Исаға деген сенімдерін жоғалтып алулары үшін, Оны бір нәрсені дұрыс емес айтқызып немесе істеткізгісі келді, алайда Иса олар үшін тым дана болды. Исаның даңқы әйгілі бола түскеніндей олардың жек көрініштері мен ашулары өсе берді. Мұның үлкейгені сонша, олар Исаны өлімге апаратын жоспар құрды.

Олар Исаны сотқа апарып Оған зұлымдық жасаушы және Құдайға тіл тигізуші деген айып тақты. Оған қарсы көптеген жалған куәліктер келтірді. Содан кейін Оны Яһудеяның римдік басшысы Понти Пилатқа алып келді.  Пилат Исадан ешқандай айып таба алмады, сондықтан Оны босатып жіберуді ұйғарды. Алайда Исаға айып тағушылар ашулы тобырға айналып: «Айқышқа шегеле Оны, Айқышқа!» - деп айқай салды. Пилат олардың ашулы айқайлары мен қоқан лоқыларын көргенде, олардың талаптарына көніп Исаны қолдарына тапсырды. Олар Исаны алып басына тікенді тәж кигізді, және Оны патша деп атап келекеледі. Олар Исаның бетіне түкіріп Оны аяусыз ұра берді. Ақыр соңында, Оны айқыш ағашқа шегелеп өлуге қалдырды.

Жүздеген жылдар бұрынғы Әбілдің құрбандыққа ұсынған тоқтысы істпетті Иса жазықсыз күйі өлімге кесілді. Әбіл өзінің тоқтысын құрбандыққа шалуы әлемнің күнәсі үшін құрбан болған Құдайдың Тоқтысының бейнесі болды. Көне заманның пайғамбарлары да Исаның қиналып өлетіні жайында алдын ала айтқан болатын. Шомылдырушы Жақия былай деген: «Қараңдар, Мынау — Құдайдың құрбандыққа жіберген «Тоқтысы»!» (Жохан жазған Ізгі хабар 1:29) «Өйткені Құдай адамзатты сондай қатты сүйгендіктен, Өзінің жалғыз рухани Ұлын құрбандыққа берді. Енді Оған сенуші әркім жаны тозаққа түспей, мәңгілік өмірге ие болады.» (Жохан жазған Ізгі хабар 3:16)

Иса бізді азат ету үшін өлімнен қайта тірілді

«Ол мұнда жоқ, Өзі алдын ала айтқандай қайта тіріліп кетті! Бері келіп, Иенің жатқан орнын қараңдар!» (Матай жазған Ізгі хабар 28:6)

Исаның өліп қабірге қойылғаннан кейінгі үшінші күні, бұл аптаның бірінші күні болатын, бірнеше әйелдер Оның денесіне май жағу үшін қабірге келді. Бұл таң сәріде болғандықтан, қабірдің бос болғандығына таңырқап қалды. Исаның денесі ғайып болды! Олардың жүректері абыржып қалды. Кенеттен, араларынан жарқыраған киімді екі періште тұра қалып: «Тіріні өлілердің арасынан неге іздейсіңдер? Ол мұнда жоқ, қайта тіріліп кетті!» - деді. (Лұқа жазған Ізгі хабар 24:5-6)

Олар тездетіп барып, көргендері мен естігендері жайында шәкірттеріне жеткізуге асықты. Шәкірттер олардың әңгімелеріне сенген жоқ, сондықтан Петір мен Жохан көздерін жеткізуге жүріп кетті. Оларда қабірді бос күйі тапты. Олар ішіне кіріп қарағанда, кебінді және Исаның басын ораған жапқыштың жиналған күйі  жатқанын ғана көрді. Олар осыларды көргеннен кейін әйелдердің айтқандарына сенді. Сол күннің кешінде шәкірттер бірге жиналды, және Яһудилерден сақтанғандықтан есіктерін бекітіп қойды. Кенеттен Иса олардың араларында тұра қалып: «Сендерге амандық пен тыныштық болсын» - деді. Ол шәкірттеріне шаншылған қолын және бүйірін көрсетті. Олар Тәңірді көрген соң қатты қуанып Оның айқыш ағашта шегеленген және өлімнен тірілген Иса екендігіне сенді. Осыдан кейін Иса қайта тірілгенінің толық растауы ретінде Өзін көптеген адамдарға көрсетті.

Исаның өлімнен тірілген таңы, әлі де тарихта болған ең айтулы таңдардың бірі болып келеді. Сол күні, Құдайдың керемет құтқару жоспары аяқталды. Осы құтқару жоспары Құдайдың рақымымен Исаның өліп қайта тірілуіне деген сенімдерінің арқасында адамдардың жүректері мен өмірлерінің өзгеруіне ықпалын тигізді. «Сонымен, біреу Мәсіхпен тығыз байланыста болса, сол — жаңадан жаратылған адам. Ескі өмірі өтіп кетіп, міне, жаңасы пайда болды!» (Қорынттықтарға арналған екінші хат 5:17) Енді Исаны жүрегіне қабылдап Оның соңынан толық өмірлерімен мойынсұнып ерген әркім қайта тіріліп Аспанда мәңгілік өмір сүретін болады. Иса былай деді: «Мен қайта тірілемін, сондықтан сендер де мәңгілік өмірге ие боласыңдар.» (Жохан жазған Ізгі хабар 14:19)

Осы хабар сіздің жүрегіңізге сөйледі ме? Сіздің жауабыңыз қандай болады? Сіз тәубеге келіп Ізгі хабарға сенуді қалайсыз ба? «Исадан басқа ешкім де бізді (Құдайдың қаһарынан) құтқара алмайды! Аспан астында бізді құтқаратын басқа ешкімнің есімі адамдарға бұйырылмаған!»  (Елшілердің істері 4:12) Кейінге қалдырмаңыз. Исаға бүгін келіңіз.

Бізге хабарласыңыз

Кітапшаларға тапсырыс беру

Құдай күнәнің үстінен өлім туралы үкім шығарғанымен, Ол сондай-ақ сүйіспеншіліктің Құдайы. «Құдай - сүйіспеншілік» (Жоханның 1-хаты 4:16). Құдай сізді күнәкар өмір сүрсеңіз де сүйеді. Оның махаббаты сізді құтқаруға жол ашты. (Жохан 3:16) Құдай күнәға қатысты үкімін жүзеге асырады, егер бұл әділеттілік адамғақатысты қолданылса, ол бірден өледі. Сондықтан Құдай ешкімнің өліп кетуін қаламай, біздің өмір сүруіміз үшін күнәларымыздың жазасын алуға Өз Ұлы Исаны жіберді. Киелі кітапта: «Сонымен, Құдайдың мейірімін әрі қатаңдығын көре аласың» делінген (Римдіктерге арналған хат 11:22). Құдайдың ізгілігі адамды құтқарғысы келеді, бірақ Оның әділдігі үкім шығаруды талап етеді.

Иса бұл дүниеге келуінің айқын мақсаты, біздің жанымызды құтқару. Ол киелі, күнәсіз, Құдайдың мінсіз Тоқтысы болды. Құдайдың бізге деген сүйіспеншілігі біздің күнәларымызды және айыбымызды алып, оларды Исаныңмойнына жүктеген кезде дәлелденді. Оның мейірімін қараңыз! Енді Иса біздің орнымызда күнәні қабылдады, және Құдайдың әділ үкімін орындау үшін, Ол айқышқа шегеленді. Ол азап пен бейнетке төзді, содан кейін өлді. Біздің күнәларымыз өтелді. Құдайдың қатаңдығын қараңыз!

Тәубеге келу, біздің бөліміміз

Исаның сіз үшін; және сіздің күнәларың үшін өлгенін көре аласыз ба? Шындығында Исаны айқышқа шегелеген кім? Осыған тек яһуди билеушілері, немесе Пилат, әлде римдік сарбаздар ғана жауапты ма? Елші Петір мыңдап саналатын көптеген адамдарға уағыз айтты. Петірдің хабары дәл айтылған: «сендер Оны Құдайға мойынсұнбаған шетелдіктердің қолымен айқышқа шегелетіп өлтірттіңдер!» (Елшілердің істері 2:23). Сіз айқышқа шегеленген Исаға қарап, күнәларыңызды мойындайсыз ба?

Құдай Рухының күшімен сіз дәрменсіз күйіңізде жоғалғаныңызды түсінесіз. Мұны түсіну сіздің жүрегіңізге ауыр тиетіндіктен, ол ауыртпалық пен күнә үшін өкініш тудырады. Үмітсіздік кезінде сіз: «Я, Құдай, мен күнәкармын, рақым ете гөр!», - деп жалбарынасыз (Лұқа 18:13). Құдай сіздің шынайы өтінішіңізді естігендіктен, Ол сізді құтқарады. Сіздің ауыртпалығыңыз жоғалып, қайта туыласыз. Әрі қарай соңынан ере берсеңіз, бұрынғы күнәларыңыздан көктегі нәрселерге бет бұрасыз. Бұл тәубеге келу ісі, өйткені Құдай Өзіне келгендердің барлығының жүрегінде осылай жасайды. Сонда жүрегіңіз тазарып, сізде тыныштық, бақыт пен қауіпсіздік болады.

Ақыр аяғында, тәубеге келу Мәсіхке және Құдайдың еркіне деген терең ризашылық пен адалдыққа әкеледі. Біз дәрменсіз күйде өлімге бара жатқан кезде, Мәсіх: «Менің қасыма келіңдер, бәрің, Жандарыңды Мен рақатқа бөлеймін!», - деді (Матай 11:28). «Біз Оны сүйеміз, себебі ол бізді алдымен сүйді» (Жоханның 1-хаты 4:19).

Бізге хабарласыңыз

Кітапшаларға тапсырыс беру