«Құдайда» неке құру дегеніміз ер адам мен әйел адам тек қана Мәсіхші дегенді білдірмейді, бірақ сонымен қатар Құдайдың Өзі оларды бір-біріне жетелеуін айтады. Құштарлық, тәндік елігу және соқыр әуестіктер некенің басталуына жағымсыз әсер етеді. Осы нәрселер біздің бір-бірімізге деген құштарлығымыздың басты себебі болса, онда бұл бізді үйленгеннен кейін көңіл қалушылыққа және кикілжіңге алып келе алады. Құдайға біздің таңдауымызды бағыттайтынына сенім артқандықтан, Оның Киелі даналығы тек бүгінге ғана емес, сонымен қатар алдымыздағы жылдарға керек болатын бізге тиісті көмекшіні қарастырырады. Құдай, нәтижесінде бір-бірін толықтыратын, үйлесімді жұпқа әкелетін түрлі талғам мен мінезділікті таңдауы мүмкін. «Сөйтіп екеуі біртұтас болады» (Марқа 10:8)

Неке – жай ғана заңды келісім шартқа отыру емес, өмірлік байланыс болуы тиіс. Иса мына анық өсиетті қалдырған: «Сонымен Құдай қосқанды адам баласы ажыратпасын!» (Матай 19:6)

Құдайдың тапсырысы

Үй дегеніміз өз-өзінде орын алған кішігірім қоғам, және әрбір қоғамдық бірлік ретінде, жауапкершіліктер үлестірілген аймақтар болуы маңызды. Құдай осы тәртіптің нұсқасын бізге Киелі кітапта көрсетеді. Бұл беделдіктің үлгісі, оны сақтайтын болса, үйге тәртіп пен бақыт келеді. Күйеулерге берілген жауапкершілік өте жоғары, содан кейін әйелі, содан кейін балалар, осындай ретпен. (қосымша 1 Қор. 11:3; Ефестіктерге 5:22-24 оқыңыз). Құдай қағиданы орнатып соны қолдағанда, бұл киелі болып есептеледі. Осы тапсырмаға бағынбаушылық адамға қайғы алып келеді. Ал екінші жағынан, осыған, ізгілікпен, қуанышпен және құрметпен бағынған әркімді Құдай жарылқайды.

Некеде күйеуі мен әйелі, екеуі де жауапкершілік пен міндеттемелері бар одақты бастайды. Екеуі де өздерінің айрықша міндеттемелері және табиғи мүмкіндіктерімен үйді толықтырады. Біреуі жетекшілікті алу керек, және Құдай осы орынды ер адамға тапсырды. «өйткені Мәсіхтің сенушілер қауымының Басы болғаны сияқты, еркек — әйелдің «басы». Мәсіх Өзін құрбан ету арқылы сенушілерді құтқарып алды» (Ефестіктерге арн. Хат 5:23) осындай сүйіспеншілік жан тәнімен берілуге бауриды. Осы қамқор сүйіспеншілік күйеуін өз әйелімен «өз тәніндей» тығыз байланыста болуға әкеледі. (Ефестіктерге арн. Хат 5:28). Сүйетін күйеу әйеліне өзінің қызметшісі сияқты қарамайды. Оның орнына, әйеліне сенім артып онымен кеңесіп, оған деген сүйіспеншілігіне бола оны шынайы серіктесі етеді.

«Сол сияқты сендер, әйелдер, күйеулеріңе мойынсұныңдар.» (Петірдің 1-хаты 3:1) Әйелі, Мәсіхке мойынсұнып ергеніндей, үйінде күйеуінің жетекшілігіне ерсе, осы үй тыныштық пен қанағаттың панасы болмақ. Ефестіктерге арн. Хат 5:33 былай дейді: «ал әр әйел күйеуін құрметтеуге міндетті.» Осы қағидаға қарсы шығу, қазіргі кездегі үйлерге көптеген  қайғы әкелуде. Осы қағидадан шегіну тек қана отбасының өміріне жанжал әкеліп қана қоймай, сонымен қатар, рухани тұрғыда, әйелінің жүрегіне шиеленіс туғызады.

Балалардың орны

Біз балалар жайында таза және кінәсіз деп ойлағанды ұнатамыз. Дегенмен, барлығымыз күнәкар болмыспен дүниеге келеміз. Бала өскен сайын, оның өзімшіл болмысы айқынырақ көріне бастайды. Ата-анасы осы бейімділікті тәртіпке келтірмесе, бала өз-өзіне және басқаларға бақытсыздық әкелетін болады.

Балалардың міндеті ата аналарына бағыну. «Балалар, Иеміздің еркіне мойынсұнып, әке-шешелеріңнің тілін алыңдар, өйткені осылай істегендерің дұрыс. (Ефестіктерге арн. Хат 6:1) осындай мойынсұнушылықтың тамаша мысалын, Исаның бала кезіндегі оқиғадан көруге болады. «Иса Назарет қаласына бірге оралып, оларға мойынсұнып жүрді.» (Лұқа 2:51) Егер мойынсұну қағидалары сақталып, күнделікті өмірде іске асырылатын болса, ата-аналар мен балалар бақыттырақ болып, үй одан бетер жағымды болады. 

Құдайдың берген тәртібі сақталатын болса, ата-аналары өз балалары үшін өмір сүріп, балалары ата-аналары үшін өмір сүріп, ал барлығы бірігіп Құдай үшін өмір сүретін болады. Осындай үйлер біздің қоғамға жарылқау болып, халқымызға сапалылық силайды.

Көптеген  жасөспірімдер нашамен, өткінші қалаулармен, сәнмен, әлемдегі ойын-сауықпен айналысуда. Олар құндылықтар мен өнегені менсінбейтін жылдам қанағат етілуді қалайтын қоғаммен еліккен. Ал бір кездері бұлар біздің қоғамымызға толыққандылық пен тұрақтылық әкелетін. Жасөспірімдеріміздің осындай мазасыз және өкпелі болуының негізгі себебі, қауіпсіз, бақытты үйлердің болмауынан ба? Осы жағдайға байланысты сіз не істей аласыз? Сіздің үйіңіздің құрылуы өзіңізге, және жүрегіңіздің Құдайға берілгендігіне тікелей байланысты екендігі жайында ойланып көрдіңіз бе?

Мәсіх – Іргетас

Егер біз мықты және бақытты үй құрғымыз келсе, негізі Мәсіх болуы тиіс. Жаңбыр жауып, өзендер тасып, дауыл тұрып үйді соққылағанда, Мәсіхпен ол құламайды. (Матай жазғ. Ізгі хаб. 7:24-27) Ол біздің үйіміздің, осындай қатыгез және мейірімсіз әлемде табысты және бақытты болуына бағыт көрсетіп, бізге қуат беріп, жігерлендіреді. Иса үйді сүйді, және Ол біздің үйімізге де орнығуға дайын. Ол былай деген: «Міне, Мен есік алдына келіп, қағып тұрмын.» (Аян 3:20) БІріншіден, Ол біздің жүрегіміздің есігін қағуда, содан кейін біздің үйіміздің есігін. Біз Оның ішке кіруіне жол береміз бе?

Бақытты үй біздің жүрегімізден басталады. Тыныштық біріншіден біздің жүрегімізде орын алмай, үйімізде шынайы тыныштық орнай алмайды. Біз сенімімізді Құдайға артқан кезде, әр күнімізде, ашулану мен көңіл қалушылықпен кездескенде, жеке жеңіске жете аламыз. «Әрдайым ойын Саған бағыттаған Әрі сенімін бір Өзіңе артқан Жанды сақтайсың Сен тыныш, аман. (Ишая 26:3)

Құдайшыл отбасы, бірігіп, өздерінің жүректері үшін, үйлері үшін, және қоғамның мұқтаждықтары үшін сиынып мінәжат етеді. Мінәжат отбасын біріктіреді. Мынау дәл айтылған сөз: «Бірге мінәжат ететін отбасы бір-бірінен ажырамайды» 

Құдайдың сіздің өміріңізге және үйіңізге байланысты жоспарына сеніп, оны қабылдаңыз. Жүрегіңіздің есігін Мәсіхке ашыңыз. «Бүгін сендер Оның даусын естігенде, қасарыстырмаңдар енді жүректеріңді!» (Еврейл. хат 3:7-8) Құдай сіздің жүрегіңіз бен үйіңізді жарылқау үшін күтіп тұр. Құдайға барлық жүрегіңізбен бет бұрып, Оған сенімді болыңыз. Бір күні Ол, сізді мәңгіге қабылдайтын, бақыт пен мүлтіксіз тыныштыққа толы аспандағы үйдің есігін сіз үшін ашатын болады.

Бізге хабарласыңыз

Кітапшаларға тапсырыс беру

Иса Құдайдың Ұлы. Құдай Оны аспаннан жерге біздің жеке Құтқарушымыз болу үшін жіберді. Құдай әлемді, сені және мені сондай қатты сүйгендіктен Өзінің жалғыз Ұлы Исаны біздің күнәларымыз үшін құрбан болуға жіберді. Киелі кітапта Оған сенген әркім жаны тозаққа түспей мәңгілік өмірге ие болады деп айтылған.

Иса жер бетіне кішкентай нәресте болып келді. Оның жердегі әкесі мен анасы Жүсіп және Мәриам болды. Ол қорада туылып, шөп салатын ақырға жатқызылды.

Иса Жүсіп пен Мәриамның қолында өсті және оларға мойынсұнды. Оның бірге ойнайтын қарындастары мен інілері болды. Ол Жүсіпке ұсталық шеберханасында көмектесті.

Иса есейіп ер жеткенде, адамдарға Өзінің көктегі Әкесі жайында айта бастады. Ол адамдарға Құдайдың оларды сүйетінін көрсетті. Ол ауруларды сауықтырып жапа шеккендерге жұбаныш әкелді. Ол балалардың досы болды. Ол балалардың Өзіне жақын болғанын қалады. Ол балаларға уақыт бөлді. Балалар болса Исаны жақсы көрді және Оның қасында болуды ұнатты.

Кейбір адамдар Исаны жақсы көрген жоқ. Олар Оған қызғанышпен қарады, тіпті жек көрді. Олар Исаны жек көргені соншалық, Оны өлтіргісі келді. Бір күні олар Исаны айқыш ағашқа шегелетіп өлтірді. Иса ешқандай жамандық жасамаған еді. Ол біздің орнымызға құрбан болуға тиіс болды, өйткені сіз және мен жамандық жасадық.

Исаның оқиғасы Оның өлімімен аяқталған жоқ. Құдай Оны өлімнен қайта тірілтті! Оның шәкірттері Оны көрді. Және бір күні Ол көкке қайта оралды.

Бүгін Ол сізді көріп және ести алады. Ол сіз жайында барлығын біледі және сіздің қамыңызды ойлайды. Тек Оған мінәжатпен келсеңіз болғаны. Ол сізге көмектесуге дайын. Сіз басыңызды иіп, кез келген жерде, және әр уақытта Онымен тілдесе аласыз.

Бір күні Ол қайтып келеді! Ол Оған сенуші әркімді Өзімен бірге аспандағы мекеніне алып кетеді.

Бізге хабарласыңыз

Кітапшаларға тапсырыс беру

Сіз кімсіз? Сіздің есіміңіз кім? Сіз қай жерден келдіңіз? Қай жерде тұрасыз? Қайда бара жатырсыз?

Сіз елді мекеніңіздің аталуын білерсіз. Мүмкін сіз басқа еш жерде болмаған боларсыз. Алайда сіздің елді мекеніңіз үлкен мемлекеттің бір бөлігі екенін білесіз, және мемлекеттердің барлығы бүткіл әлемнің бір бөліктері.

Киелі кітап

Әлем жаратылғаннан бері 6000 жылға жуық уақыт өтті. Ол Құдай арқылы жаратылды. Құдайдың Киелі кітап деп аталатын, Оның әлемді қалай жаратқаны, және бірінші ер адам мен әйел адамды жаратқаны жайында баяндайтын кітабы бар. Құдай адамды Өзіне бейнелес етіп жаратты.

Содан бері балалар дүниеге келетін болды. Содан бері адамдар өмірден өтетін болды. Олардың мыңдаған саны туылып және қайтыс болды.

Сіз Ата-анаңыздан дүниеге келдіңіз. Алайда сізді шынымен жаратқан Құдай. Ол барлығын жаратты. Сіз Құдайдың жаратылысының қаншалықты тамаша екендігін және сізді қалай жаратқаны жайында ойлап көрдіңіз бе?

Сіздің ата-анаңыз сізге есім берді. Құдай сіздің есіміңізді біледі. Ол, қандай тіл болса да барлық есімдерді біледі. Ол барлығын біледі.

Құдай бізді жаратқандықтан, Ол біз жайында барлығын біледі. Ол бізді сүйеді, өйткені біз оның меншігіміз.

Ол біздің аспандағы Әкеміз, және Ол біздің қамымызды өзіміздің ата-анамыздан да бетер ойлайды.

Құдай

Құдай әрдайым бар болған. Ол мәңгі өмір сүреді. Сондай-ақ, Ол Өзінің демін бізге орнатқанда, біз де мәңгі өмір сүре бастаймыз. Жоқ, біздің тәніміз емес, ол мерт болады, алайда біздің ішіміздегі жанымыз мәңгі өмір сүреді.

Сіз Құдайды білесіз бе? Мүмкін сіз, «Құдай деген Кім?», «Ол қайда?» - деп сұрайтын боларсыз.

Сіз шынымен білгіңіз келеді ме? Иә, солай. Ішіңізден, түбінде сіз білгіңіз келеді.

Сіз Құдайды ешқашан көрген жоқсыз, солай емес пе? Алайда көрмегеніңіз Ол жоқ дегенді білдірмейді.

Жалғыз бір ғана Құдай бар. Басқа ешқандай құдайлар бола алмайды, өйткені шынайы Құдай бар, Ол көк пен жерді толтырады. Ол бір уақытта барлық жерде бар.

Құдайдың мекені аспан, жоғарыдағы керемет жер, алайда сонымен қатар Құдай Оның даусына құлақ асатын адамдардың жүрегінде де өмір сүреді.

«Мен Құдайды тануды қалай үйрене аламын?» Сіз осындай сұрақ қоясыз ба? Қалай үйрене алатыныңызды көрсететін Құдайдың керемет жоспары бар.

Құдай Өзінің жалғыз рухани Ұлын, Исаны Аспаннан жерге Оның Кім екендігін және қандай екендігін көрсетуге жіберді. Құдай және Иса біртұтас.

Керемет жолмен, Құдай Ұлы сәби болып дүниеге келіп, ер жетті. Содан кейін үш жыл бойы, Иса адамдарға Өзінің Әкесі Құдайдың сүйіспеншілігі жайында айтып жеткізді. Оларға Құдайдың киелі екендігін және күнәні жақтырмайтынын айтты.

Содан, Құдай бізге күнәларымыздан арыла алуымыз үшін жол жасады. Ол Өзінің Ұлы Исаның айқыш ағашқа зұлым адамдар арқылы шегеленуіне жол берді. Ол Өз жанын құрбан етті – Оның махаббаты сондай ұлы.

Ол – бүткіл әлемнің күнәларының төлемін өтей алатын құрбандық болды, сіздің қашанда жасаған барлық күнәларыңыздың, ұл-қыздардың, ер және әйел адамның барлығының күнәларын.

Иса айқыш ағашта қалды ма? Иса қабірде қалып қойды ма? Жоқ, Ол үш күннен кейін жеңімпаз болып қайта тірілді. Содан кейін Ол көкке қайта оралды, енді Құдайдың әлемнің ақырын жариялайтын күнін күтуде. Содан кейін Ол адамдарды әділ соттайтын болады. Сіз Жохан жазған ізгі хабарды білесіз бе? 10-шы тарауды оқыңыз. Жохан Исаның адамдарға не айтқанын жазған. Ол осыны бізге әлі де айтуда. Иса ізгі бағушы болғанын, және қойлары үшін Өз жанын құрбан еткенін айтады. Осы қойлар біздерміз. Оның қойлары болғандар Оның даусын таниды. Ол олардың атын атап шақырады. Олар бөтен біреудің соңынан ермейді.

Бөтен біреу,бұл басқа дауыс.

Біз аулақ жүруге тиіс бөтен біреу дегеніміз кім? О, ол ұрлықшы! Ол қойлардың қамын мүлдем ойламайды. Ол өтірікші. Онда ешқандай шындық жоқ. Ол әзәзіл. Ол біздің жауымыз шайтан.

Алайда, ең алдымен, ол Құдайдың жауы. Бір кездері ол Құдаймен бірге болған жақсы періште болатын. Алайда ол тәкаппарланып, өзін көтеріп, Құдайға қарсы шықты. Ол Құдайға қарсы соғысты, және көптеген періштелер оған қосылды. Жеңіс Құдайда болды, себебі Ол барлық күшке ие. Солай Ол шайтанды және оның соңынан ерген барлығын аспаннан қуып жіберді. Сол үшін шайтан Құдайды жек көреді.

Енді Құдайға қайтып жақын келе алмағандықтан, ол өзінің кәрін Құдайдың жаратылысына, әлемнің адамдарына төгуде. Ол күнә жасағандықтан, барлығын күнәға азғырғысы келеді. Күнә енді аспанға ешқашан ене алмайды.

Бұдан басқа жер бар, Құдай әзәзіл мен оның періштелеріне дайындап қойған жер. Ол тозақ. Тозақ азапталатын жер. Ол ешқашан сөнбейтін жанып жатқан от. Бұл әзәзілдің және оның соңынан ерушілердің мәңгілік жазаланатын орны. Бұл жерге Құдай бізді жіберуіне тура келеді, егер біз шайтанның даусын тыңдауды таңдайтын болсақ.

Шайтан біздің тозақ жайында ойлағанымызды қаламайды. Ол біздің Құдай жайында ойлағанымызды қаламайды. Сол себептен ол біздің назарымызды Құдайдан алып кетуге тырысады. Шайтан бізге өзінің даусын естітуге тырысады.

Ішіңізден, басқа біреуден шыққан бөтен дауысты естіп көрдіңіз бе?

Кейбір кезде ол бізді жақсы нәрсе ұсынатындай сендіреді. Кейбір кезде біздің былай ойлауымызға себепші болады: «Мен басқалардан жақсырақпын. Мен маңыздымын. Мен біріншімін. Менің құқықтарым үшін шайқасуға тура келсе де дайынмын. Ұрлағанда тұрған ештеңе жоқ, тек ұсталып қалмасам болды. Бәрі де өтірік айтады, яғни мен де солай істей аламын. Таза емес ойлар болған соншалықты жаман емес – менің не ойлап тұрғанымды ешкім де білмейді. Жаман сөздер айту – көңіл көтеруге қолдануға жақсы.» 

Ал басқа уақыттарда көңіліңіз түскені сонша, сіздің: «мен жақсы адам емеспін, не үшін өмір сүруге тиістімін» - деп ойлауға еліктірілген кезіңіз болды ма?

Бұлардың барлығы әзәзілдің даусы. Ол өтірікші. Сол себептен ол біздің де өтірікші болғанымызды қалайды. 

Сіз осы дауысты естігенде қандай сезімде боласыз? Ішіңізден жақсы сезімге бөленесіз бе? О жоқ, бұл сізді бақытсыз етеді. Бұл сізді жасырынуға итермелейді. Бұл нағыз шайтанның өзіндей. Ол барлық істерін қараңғыда жасағанды ұнатады. 

Иса, Бағушының даусы

Сіз Исаның ізгі бағушы екендігін білесіз бе? Оның қойы болғыңыз келеді ме? Оның даусын танығыңыз келеді ме?

О, иә, сіз осылай істей аласыз; алайда, ең алдымен, бұдан былай сол бөтен дауысты тыңдамауыңыз қажет.

Енді, сіз тыныштықта болғандықтан, Исаның сізді толық өміріңізді Оған бағыштауға шақырып тұрған мейірімді даусын естисіз. Оның сізге барлық күнәңізге өкінуіңіз жайында және оларды мойындауыңызды айтып тұрғанын естисіз.

Мүмкін, кейбір кезде, өте тыныш уақытыңызда былай деп ойлаған боларсыз, «менің қиыншылықтарым мен ауыртпашылықтарымды не істеймін? Мен жақсы адам болғым келеді. Мен ешқашан ашықпайтын және ауырмайтын жерде болғым келеді. Мен қайтыс болғанда не болады?»

Мүмкін бұдан да көп ойлар келген болар. Бұл сізді шақырып тұрған Исаның даусы. Кейбір кезде, не үшін екенін білмесеңіз де көңілсіз күйге түскен кезіңіз болды ма? Немесе жалғыз болмасаңыз да жалғыз сезінген кезіңіз болды ма? Бұл сізді жаратқан және сізді сүйетін Құдайға мұқтаж болғаныңыздан болуы мүмкін. Ол жоғалған қойын шақырып тұрған бағушы. Ол сізді үздіксіз шақыруда және үздіксіз іздеуде!

Сіз бағушының даусын естігенде, Оған жауап беріңіз. Оған күнәңізге өкінетініңізді айтыңыз. Өзіңізді қалай сезініп тұрғаныңызды айтып, сізді құтқаруын сұраңыз. Бұл мінәжатқа жатады.

Сіз Көктегі Құдайға мінәжат етіп көрдіңіз бе? Оны қазір орындаңыз. Ол сізді естиді және түсінеді. Ол сізге өзіңіз аңсаған тыныштықты береді.

Сіз Оның қойы болып, Оның даусын танығыңыз келеді ме? Ол сіздің досыңыз болғысы келеді. Ол сізді еңсеңізді басқан күнәдан арылта алады. Сіз бақытты күйге кенелесіз. Сіз Ол сияқты сүйетін және мейірімді боласыз. Ол сізге қорқыныштарыңызды жеңуге көмектеседі. 

Тіпті басқалар сіздің мәсіхші болғаныңызға бола келемеждесе, Исаның сіздің қамыңызды ойлайтынын білетін боласыз. Тіпті бөтен біреу сізді қайтадан азғырса да, сізді осыдан өтуге Исаның көмектесетініне сенім артуыңыз қажет.

Сіз Бағушының қамқорында қауіпсіздікте болған кезде, ақыр соңында Ол сізді Өзінің тамаша, бақытқа толы үйіне Құдаймен мәңгі бірге болуға алып кететінін білесіз!

Бізге хабарласыңыз

Кітапшаларға тапсырыс беру