Тәубеге келу Мейірімділік есігі
Сіз Қасиетті Құдайдың алдында адам күнәлі деп табылып, оның өлім жазасына кесілгенін білесіз бе? Егер ол осы мәңгілік өлімнен құтылып, мәңгі құтқарылғысы келсе, онда ол Құдайдың мейірімін алуы керек. Бұл жағынан мейірімділік - Құдайдың адамнан өзіне лайықты жазаны тартқызбай ұстап тұруында. Бірақ Құдай, тіпті құтқарылу тегін, ақысыз және оны еңбектеніп иеленуі мүмкін емес болса да адамдарға Өзінің мейірімділігін ешқандай шартсыз бермейді. Құдайдың мейірімділік танытатын шарты - бұл тәубеге келу.
Шомылдырушы Жақия Құдай Сөзін уағыздады және оның айтқаны қарапайым әрі күшті болды, «Теріс жолдан қайтып, Құдай жолына түсіңдер! Құдай Патшалығының жер бетіне орнайтын кезі таяп қалды!» (Матай 3:2). Құдайдың Ұлы Иса да өзінің қызметін дәл осындай «Теріс жолдан қайтып, Құдай жолына түсіңдер! Себебі Құдай Патшалығының жер бетіне орнайтын кезі таяп қалды!» деген хабармен бастады (Матай 4:17). Өкіну - құтқарылудың қажетті шарты, елші Петір айтқандай: «Сондықтан теріс жолдан қайтыңдар! Сонда Құдай Ие күнәларыңды кешіріп, сендерге рухтарыңды жаңғыртатын мезгілді сыйлайды» (Елшілердің істері 3:19). Тәубеге келу арқылы мейірімділік есігі ашылады және құтқарылу беріледі.
Барлығы күнә жасады
Біздің әлемде көптеген адамдар бар және біз көптеген жағынан бір-бірімізден ерекшеленеміз. Алайда мына хабар бәрімізге ортақ: «бәрі де күнә жасап, Құдайдың өздеріне белгілеген ұлылығынан құр алақан қалды» (Римдіктерге 3:23). Енді әрі қарай тыңдаңыз: «Бірде-бір әділ кісі жоқ» (Римдіктерге 3:10). Құдай Өзінің пайғамбары Ишая арқылы былай деді: «Барлығымыз адасқан қойлардай тентіреп, өз бетімізбен жүрдік» (Ишая 53:6). Осы жазбалардың негізгі ойларын байқадыңыз ба? «Барлығы адасып кетті» «Бірде-бір әділ адам жоқ» «Барлығы күнә жасады» Бұл сізге де қатысты емес пе? Сіздің жаныңыз, өміріңіз Құдайға тиесілі. Құдайды өмірінің қожайыны деп мойындамайтын еркек немесе әйел мойынсұнбаушылық пен күнәда өмір сүреді. «Күнә жасаған адамның өзі өлуге тиіс» (Езекиел 18: 4).
Күнә ажыратады
Сіздің күнәларыңыз сізді Құдайдан ажыратты. Сіз түсіндіре алмайтындай аңсауды іштей сезесіз. Сіз өзіңізді тастап кеткендей және Құдай сізді естімейтіндей сезінуіңіз мүмкін. Мұның себебін Құдай айтады: «Біліп алыңдар: Жаратқан Иенің қолы сендерді құтқаруға дәрменсіз емес, Оның құлағы мінажаттарыңды естуге мүкіс те емес. Қайта, өздеріңнің әділетсіз істерің Құдаймен араларыңды ажыратып келеді! Жасаған күнәларың Оның бетін сендерден бұрып әкетеді. Сондықтан да Құдай Ие мінажаттарыңа құлақ салмайды» (Ишая 59: 1-2). Тағы да: «Күнәнің жазасы - өлім» (Римдіктерге арналған хат 6:23). Өміріңіз бен күнәларыңыз туралы ойланғаныңыздай, Құдай туралы да ойланыңыз. Құдай күнәсіз, сондықтан ол қасиетті, әділ және ізгі. Құдай күнәні соттау керек дейді: «Өйткені Құдай адамның әрбір ісіне, тіпті ешкімге білдірмей жасаған не жақсы, не жаман ісіне де Өзінің сотында әділ бағасын береді» (Даналықты уағыздаушы 12:14). Құдай мен сіздің араңызда үлкен шаңырау бар. Егер сіз қасиетті Құдай мен күнәкар адамның арасындағы шаңыраудың арасындағы жолды таба алмасаңыз, сіз мәңгілік өлімге ұшырайсыз! (Лұқа 16:26) Бірақ тыңдаңыз, жол бар - сізге үміт бар!
Иса есікті ашады
Мына сөзді жалғастырыңыз: Тәубеге келу Мейірімділік есігі
Құдай күнәнің үстінен өлім туралы үкім шығарғанымен, Ол сондай-ақ сүйіспеншіліктің Құдайы. «Құдай - сүйіспеншілік» (Жоханның 1-хаты 4:16). Құдай сізді күнәкар өмір сүрсеңіз де сүйеді. Оның махаббаты сізді құтқаруға жол ашты. (Жохан 3:16) Құдай күнәға қатысты үкімін жүзеге асырады, егер бұл әділеттілік адамғақатысты қолданылса, ол бірден өледі. Сондықтан Құдай ешкімнің өліп кетуін қаламай, біздің өмір сүруіміз үшін күнәларымыздың жазасын алуға Өз Ұлы Исаны жіберді. Киелі кітапта: «Сонымен, Құдайдың мейірімін әрі қатаңдығын көре аласың» делінген (Римдіктерге арналған хат 11:22). Құдайдың ізгілігі адамды құтқарғысы келеді, бірақ Оның әділдігі үкім шығаруды талап етеді.
Иса бұл дүниеге келуінің айқын мақсаты, біздің жанымызды құтқару. Ол киелі, күнәсіз, Құдайдың мінсіз Тоқтысы болды. Құдайдың бізге деген сүйіспеншілігі біздің күнәларымызды және айыбымызды алып, оларды Исаныңмойнына жүктеген кезде дәлелденді. Оның мейірімін қараңыз! Енді Иса біздің орнымызда күнәні қабылдады, және Құдайдың әділ үкімін орындау үшін, Ол айқышқа шегеленді. Ол азап пен бейнетке төзді, содан кейін өлді. Біздің күнәларымыз өтелді. Құдайдың қатаңдығын қараңыз!
Тәубеге келу, біздің бөліміміз
Исаның сіз үшін; және сіздің күнәларың үшін өлгенін көре аласыз ба? Шындығында Исаны айқышқа шегелеген кім? Осыған тек яһуди билеушілері, немесе Пилат, әлде римдік сарбаздар ғана жауапты ма? Елші Петір мыңдап саналатын көптеген адамдарға уағыз айтты. Петірдің хабары дәл айтылған: «сендер Оны Құдайға мойынсұнбаған шетелдіктердің қолымен айқышқа шегелетіп өлтірттіңдер!» (Елшілердің істері 2:23). Сіз айқышқа шегеленген Исаға қарап, күнәларыңызды мойындайсыз ба?
Құдай Рухының күшімен сіз дәрменсіз күйіңізде жоғалғаныңызды түсінесіз. Мұны түсіну сіздің жүрегіңізге ауыр тиетіндіктен, ол ауыртпалық пен күнә үшін өкініш тудырады. Үмітсіздік кезінде сіз: «Я, Құдай, мен күнәкармын, рақым ете гөр!», - деп жалбарынасыз (Лұқа 18:13). Құдай сіздің шынайы өтінішіңізді естігендіктен, Ол сізді құтқарады. Сіздің ауыртпалығыңыз жоғалып, қайта туыласыз. Әрі қарай соңынан ере берсеңіз, бұрынғы күнәларыңыздан көктегі нәрселерге бет бұрасыз. Бұл тәубеге келу ісі, өйткені Құдай Өзіне келгендердің барлығының жүрегінде осылай жасайды. Сонда жүрегіңіз тазарып, сізде тыныштық, бақыт пен қауіпсіздік болады.
Ақыр аяғында, тәубеге келу Мәсіхке және Құдайдың еркіне деген терең ризашылық пен адалдыққа әкеледі. Біз дәрменсіз күйде өлімге бара жатқан кезде, Мәсіх: «Менің қасыма келіңдер, бәрің, Жандарыңды Мен рақатқа бөлеймін!», - деді (Матай 11:28). «Біз Оны сүйеміз, себебі ол бізді алдымен сүйді» (Жоханның 1-хаты 4:19).